Ginsiguro sang Department of Agriculture (DA) nga magapabilin nga bastante ang supply sang karne sang baboy subong nga Christmas season sa pihak sang ginpatuman nga temporary import ban sa Spain bangud sa kumpirmado nga kaso sang African Swine Fever (ASF) sa nasambit nga pungsod.
Suno kay Agriculture Secretary Francisco Tiu Laurel Jr., indi maapektuhan ang presyo ukon suplay bangud puno ang cold storages kay may bastante nga imbentaryo agud mahatagan sang igtalupangod ang mataas nga demand kada holidays.
Gin-athag sang Department of Agriculture nga ang moratorium ang isa ka tikang agud matapna ang pagsulod sang ASF kag maproteheran ang lokal nga hog industry. Otorisado lamang ang pagsulod sang frozen pork products nga ginhimo antes ang Nobyembre 11 kag ginpadala antes ukon tubtob Disyembre 4, 2025, samtang pakatapos sang nasambit nga petsa, magabalik sa Spain ang mga shipment.
