-- ADVERTISEMENT --

Ginmandu ni House Speaker Bojie Dy III ang pagtukod liwat sang Statement of Assets, Liabilities and NetWorth (SALN) Review and Compliance Committee sa Kamara, suno sa Republic Act No. 6713 ukon Code of Conduct and Ethical Standards for Public Officials and Employees.

Gin-appoint ni Speaker Dy si Deputy Speaker kag South Cotabato 2nd District Representative Ferdinand L. Hernandez bilang Chairperson sang Komite.

Ang mga Vice Chairperson amo sanday Iloilo 3rd District Representative Lorenz R. Defensor kag Marikina 2nd District Representative Romero Federico S. Quimbo.

Samtang ang mga katapo sang Komite amo sanday Rep. Jose “Bong” J. Teves Jr. (TGP Party-list); Rep. Maria Cristina C. Angeles (Tarlac 2nd District), Rep. Wilfrido Mark M. Enverga (Quezon 1st District), Rep. Angelo M. Barba (Ilocos Norte 2nd District), Rep. Arlene J. Bag-ao (Dinagat Islands Lone District).

Base sa ginpaguwa nga memorandum ni Speaker Dy, gilayon nila nga ipatuman kag padayunon sang ila katungdanan.

-- ADVERTISEMENT --

Ginpahayag ni Dy nga ang kalabanan nga mga mamalidha bukas sa ideya nga ipahayag ang ila SALN sa publiko.

Kasunod sini, ginpaguwa ni Speaker Dy ang iya kaugalingon nga SALN sa media sa amo man nga adlaw, bilang pagtuman sang iya nauna nga promisa nga mangin bukas sa publiko.