HPG-Capiz padayon ang pagpanakup sa mga motorsiklo nga nagapaangkas nga wala sang prototype barrier

ROXAS CITY – Nagapadayon ang pagpanakup sang mga katapo sang Highway Patrol Group (HPG)-Capiz sa mga motorista nga nagapaangkas nga wala sang prototype barrier sa ila mga motorsiklo.

Sa interview sang Bombo Radyo kay Police Captain Peter Bergonio, Provincial Officer sang HPG-Capiz ginpahayag sini nga naglab-ut na sa kapin 10 ka mga motorista ang ila nga gindakup matapos nga naglapas sa nasambit nga pagsulundan.

Matandaan sadtong Agosto 1, nagsugod ang pagpanakup sang mga otoridad sa mga driver nga nagapaangkas nga wala sang barrier ang motorsiklo.

Kabahin ini sang tikang sang gobyerno agud malikawan ang paglapta sang coronavirus disease ukon COVID-19 sa pungsod.