ROXAS CITY – Ginkondenar sang Integrated Bar of the Philippines ang natabo nga pag-ambush sa salakyan sang isa ka human rights advocate lawyer nga si Atty. Cris Heredia kaupod ang kliyente sini kag anak nga doktor sa Barangay Malapad Cogon, Sigma, Capiz.
Sa official statement nga ginpaguwa sang IBP-Capiz Chapter, ginapahayag nga ang natabo nga pagpaulan sang bala sa salakyan ni Heredia ang makasiligni ukon makabig nga ‘detestable act’.
Ang nasambit nga insidente ang ginapahayag wala sang lugar sa demokratiko nga sosyudad.
Bangud diri, nagpanawagan ang grupo sang pangamuyo sa ila nga mga miyembro kag gin-abisuhan nga mangin alerto sa tanan nga oras.
Nagpanawagan man ini sa mga otoridad sang maid-id nga imbestigasyon sa nasambit nga insidente.
Mahibaluan nga gikan sa hearing si Heredia kaupod ang kliyente sini sa banwa sang Dao.
Kilala si Heredia bilang abugado sang mga imol kag miyembro man sang National Union of Peoples’ Lawyers (NUPL).
