Ginhinyo ni International Criminal Court (ICC) Chief Prosecutor Karim Khan ang pagpaguha sang arrest warrant batuk sa military leader sang Myanmar nga si Senior Gen. Min Aung Hlaing.
Si Hlaing ang gin-akusahan nga nagpanguna sa kampanya para sa deportation, persecution, kag bayolente nga pag-atake sa halos isa ka milyon Rohingya fighter.
Matandaan una nga gin-agaw sang military general ang gahum nagikan kay Myanmar legend Aung San Suu Kyi sadtong 2021 pinaagi sa isa ka kudeta.
Bangud sa ginhimo nga pagpangusisa sa mga Rohingya members, napilitan nga maghalin ang mga ini sa Bangladesh, isa sa mga kaiping nga pungsod sang Myanmar.
Ang giyera nga ginpangunahan ni Hlaing, ang ginatawag bilang ‘ethnic cleansing campaign’ kung sa diin magluwas sa mga ginpahalin kadam-an napatay sa idalum sang kampanya.
Mahibaluan nga ang Myanmar indi pa miyembro sang ICC.
Apang, mahimo pa sa gihapon nga imbestigahan sang international body ang mga krimen nga natabo sa mga Rohingya member nga yara sa Bangladesh kung sa diin nagpadulong ang kadam-an sa ila.
