Ginpahanugutan na sang International Criminal Court (ICC) ang hingyo sang kampo ni Former President Rodrigo Duterte kag sang prosecution nga magdugang sang bag-o nga ebidensya nga gamiton sa hearing.
Sa apat ka panid nga desisyon sang ICC Pre-Trial Chamber 1 nga napetsahan Pebrero 10, ginmanduan sang ICC Pre-Trial Chamber 1 ang depensa kag prosecution nga magsumite sang bag-o nga ebidensya tubtob Pebrero buwas nga adlaw.
Una na nga naghingyo ang legal team sang anay presidente sa ICC nga magdugang sang 78 ka mga bag-o nga ebidensya nga ilakip sa confirmation of charge.
Wala ini ginpamatukan sang prosecution sa baylo gintugutan lang ini sang ICC.
Samtang ang prosecution naghingyo man sa mga kamara nga magdugang sang duha ka bag-o nga ebidensya nga gin-ugyonan man sang kampo sang depensa.
Lakip man diri ang Common Legal Representatives of Victims (CLRV) nga wala nagpamatok sa pangabay sang depensa kag prosecution nga magdugang sang ebidensya.
Ang nasambit nga mandu ang ginpaguwa pila ka adlaw antes ang confirmation of charge batok sa anay presidente sang pungsod humalin Enero 23 tubtub 27.
Matandaan nga napreso sa facility center sang ICC ang 80 anyos nga si Duterte bangud sa crime against humanity may kaangtanan sa ila anti-drug operations sang ini pa ang alkalde sang Davao City kag presidente sang Pilipinas.
