-- ADVERTISEMENT --
ROXAS CITY – Kadungan sa pagselebrar sang ika-124 nga kahilwayan sang Pilipinas, nagpatigayon sang Flag raising ceremony ang mga katapo sang local nga gobyerno sang syudad, kun sa diin gintambongan ini sang pila ka mga pinuno sang departamento sa mga ahensiya sang gobyerno.
Yara ang mga presensiya sang mga katapo sang PNP, BFP, Departments heads sang Roxas City government, kag DepEd – City Division.
Sa bahin sang mga kapulisan, ginpahayag ni PLt.Col. Aron Palomo sang Roxas City PNP nga panugyan sini nga kadungan sang ika-124 nga pagsaulog sang kahilwayan sang pungsod nagikan sa pagpanakop sang mga dumuluong, mangin hilway naman kuntani ang mga pumuluyo sa paghimo sang indi maayo ukon iligal nga bulohaton, para sa ika-umwad sang syudad.
