Ikalima nga nagpositibo sa COVID-19 disease sa Capiz, ginbawian na sang kabuhi

ROXAS CITY – Ginbawian na sang kabuhi ang ikalima nga nagpositibo sa COVOD-19 disease sa probinsiya sang Capiz.

Sandig sa ginpaguwa nga press release sang Capiz Provincial Health Office ukon PHO napatay ang biktima samtang ginabulong sa The Medical City Inc. sa syudad sang Iloilo.

Samtang sa pagpangusisa sang Bombo Radyo Roxas ang napatay nga ikalima nga COVID-19 patient ang bana sang labing una nga napatay sa COVID-19 disease sa Capiz.

Matandaan nga ang nasambit nga pasyente ang isa ka lalaki kag nagapang-edaron sang 63-anyos kag residente sang Barangay Dayao Roxas City.

Ginpahayag nga na-cremate na ang bangkay sang biktima kag natalana nga pagadal-on ang abo sini sa syudad sang Roxas.