Ginpakamalaut ni Jasmine Curtis-Smith kag sang iya iloy nga si Carmen Curtis ang bastos nga pahayag Quezon City Rep. Bong Suntay.
Suno kay Jasmine, ang insidente indi lang nahanungod sa isa ka celebrity, kundi nagapakita sang padayon nga pagtratar sa mga kababainhan bilang “objects” sa isa ka katilingban nga dominado sang mga lalaki.
Suno sa iya, katungdanan sang mga opisyal nga pataason ang lebel sang diskurso kag indi ini pagpanubuon.
Ginpakamalaut man sang House Justice Committee ang pahayag, samtang ginhingyo ni Quezon City Mayor Joy Belmonte si Suntay nga magpangayo sang public apology kag maghulag nga may dignidad.
Samtang, nagpangayo naman sang pasaylo si Suntay matapos ginpakalain ang iya pahayag tuhoy kay Anne Curtis, apang ginpanindugan sini nga “wala sang malain intension” ang analogy nga iya gingamit.
Suno sa iya, naggamit lang siya sang “fictitious situation” agud ipakita kunpaano ang mga pahayag masami nga gina-interpret sa sala nga konteksto.
Nagahinulsol man siya kun may nasakitan, ilabi na ang mga kababainhan, kag ginhatagan pagtamod nga wala siya sang malain nga intensyon sa iya ginhambal.
Nahibaluan nga ginbatikos si Suntay matapos nga ginmitlang sini ang ngalan sang aktres samtang ginadepensahan ang “designated survivor” nga pahayag ni VP Sara Duterte sa House hearing.
