ROXAS CITY -Tuman ang kalipay nga nabatyagan sang isa ka ginang nga naga-suprehir sang stage 4 cancer matapos nga nagbubo ang bulig para sa iya pinaagi sa Bombo Radyo.
Emosyunal nga ginbaton ni Evelyn Bade sang Barangay Marita, President Roxas ang pinansiyal nga bulig nga natipon gikan sa magkatuhay nga mga persona nga personal nga gindala sang Bombo Radyo News Team.
Magluwas sa cash, ginbaton man sang pamilya ang bugas kag iban pa nga mga groceries nga nagikan man sa mga naghatag sang bulig nga mga indibidwal.
Sa pihak nga nabudlayan nga maghambal, nagpasalamat sang himpit si Bade sa sa Bombo Radyo kag sa mga naghatag sang bulig para sa iya kag iya pamilya.
Ginkalipay man sang subang nga anak ni Bade ang wala untat nga pag-alabutan sang bulig gikan sa mga wala nagapakilala nga mga indibidwal.
Suno sa kay Renzo Bade nga madamo na nga mga indibidwal ang nagpadulong sa ila balay agud maghatag sang bulig para iya nga iloy.
Ginpatpat man ni Renzo ang rason nga nagtulod sa iya nga magpakig-barter sang bulig para sa iya iloy kabaylo sang iya nga serbisyo.
Suno sa kay Renzo nga luyag sini nga makabulig sa kagastuhanan sa pagbakal sang bulong sang iya nga iloy.
Samtang nagpasalig naman si Mayor Receliste Escolin nga abagahon ang kagastuhanan sa pagpaidalum sa CT-scan ni Bade kag pagpamakal sang mga dugang nga bulong
