ROXAS CITY – Tuman ang pagkahangawa nga nabatyagan sang iloy sang Capizeña Overseas Filipino Worker (OFW) sa Kuwait matapos nga nahibaluan sini ang nadangatan sang iya anak sa iya mapintas kag bastos nga employer.
▶Capizeña OFW, ginasakit kag ginabastos sang iya employer sa Kuwait
Suno kay Lourdes Clarite, nagtinguha nga makatrabaho sa nasambit nga pungsod ang iya anak nga si Alora Clarite agud makabulig sa ila pang-adlaw-adlaw nga kinahanglanon ilabi pa nga may yara ini sang mga kabataan.
Ginpahayag ni Lourdes nga sadto anay nakasugid na ang iya anak sa iya utod nga may malain siya nga panagupnop sa ila employer nga lalaki.
Indi man halos mapahamtang ang iloy kasunod sang iya nahibaluan nga ginasakit kag ginabastos sang iya amo ang iya anak.
Bangud diri, luyag na lamang ni Lourdes nga mapapauli ang iya anak sa Pilipinas.
Sang iya nga nakahinala ang iya anak, desidido man ini nga magbalik na lamang sa pungsod agud malikaw sa peligro nga posible ila madangatan sa kamot sang iya employer.
