Magapadala sang team sa Malaysia ang Department of Justice (DOJ) agud mag-imbestiga kung paano nakaguha sang pungsod ang ginpapanaog nga alkalde sang Bamban nga si Alice Guo.
Sa ambush interview kay Justice Secretary Jesus Crispin Remulla, luyag sini nga i-follow up ang ginhalinan sang aircraft nga nagdala kay Guo sa Kuala Lumpur.
Liwat naman nga nagpanindugan si Remulla nga Malabo ang una nga ginsiling sang ginapahayag utod ni Alice nga si Shiela Guo nga nagpalagyo sila paguha sang pungsod sakay lamang sang bangka.
Mahibaluan nga sa ginpatigayon nga pagsinapol sa Senado, ginbuyagyag ni Immigration Commisioner Joel Viado nga nagsakay si Alice padulong sa Malaysia sadtong July 18.
Sa karun, nagapangatubang si Guo Hua Ping alyas Alice Guo sa patung-patong nga kaso kalakip na ang graft, qualified human trafficking, money laundering, kag tax evasion bangud sa ginapahayag nga pagkaulamid sini sa operasyon sang iligal nga Philippine offshore gaming operators (POGO) sa Pilipinas.
