Immaculate Concepcion Metropolitan Cathedral, magapatigayon subong nga adlaw sang ‘silent walk’ kadungan sang ika-40th anniversary sang EDSA People Power

Magapatigayon sang ‘silent walk’ ang Immaculate Conception Metropolitan Cathedral kadungan sang ika-40th anniverssary sang EDSA People Power Revolution.

Ini ang maga-umpisa alas-3 sang hapon sa atubang sang nasambit nga simbahan.

Lakip man sa mga programa amo ang pagpangamuyo sang Santos nga Rosaryo kag Eucharistic Celebration kaupod si Archbishop Victor Bendico, D.D.

Nahibaluan nga ang nasambit nga mga aktibidad ang kabahin sang pagdumdom sang maragtason nga pag-angkon sang kahilwayan sang Pilipinas.

Ginaganyat sang natungdan ang tanan nga magpakigbahin sa pagpangamuyo para sa hustisya, kalinong kag ikaayo sang pungsod.