ROXAS CITY – Aminado si Former Governor Antonio Del Rosario nga mahimo ihaboy sa iya nga isyu ang iya edad kag indi na makasarang nga magserbisyo.
Sa interview sang Bombo Radyo kay Del Rosario ginpahayag sini nga masarangan pa sang iya lawas nga magserbisyo sa pumuluyo sang syudad ilabi na nga madamo sang nagpalapit sa iya nga nagapangayo sang bulig nga mga negosyante, kag mga ordinaryo nga pumuluyo nga ginapahog sila kag nabudlayan sa pagdumala sa nagapungko nga administrasyon.
Dugang pa sini nga anhon mu suno diri ang hubin nga lider nga wala man sang pagpalangga kag concern sa mga pumuluyo nga indi maayo.
Ginpahayag man sang anay gobernador nga ang iya pagserbisyo wala nagatigulang.
Samtang dako naman nga bagay suno kay Del Rosario nga sa iya pagbalik kag pagpapili bilang alkalde sang syudad ang yara ini sa partido sang administrasyon ni President Bongbong Marcos.
Hugot man niya nga ginbaton ang posisyon bilang Provincial Chairman sang Partido Federal ng Pilipinas sa pagbalik sang maayo nga pagpanerbisyo sa syudad sang Roxas.
