Indi pag-intindihanay ang posible rason sang pagpangbuno sang isa ka lalaki sa Barangay Dayao, Roxas City.
Ang biktima amo si alyas Louie, 52-anyos kag residente sang Barangay Lonoy sang nasambit nga syudad, samtang ang suspek amo si alyas Biboy, 25 anyos kag residente sang Barangay Tanque, Roxas City.
Sa interview sang Bombo Radyo kay Punong Barangay Wenie Batuampo, iya ginpahayag nga base sa iya nga pagpangusisa, samtang nga nagapungko ang biktima, hinali lang nga ginbuno siya sang suspek gamit ang ice pick rason nga napilasan ini sa nagkalain-lain nga bahin sang iya nga ulo.
Suno kay Punong Barangay Batuampo, gintulok sang masakit sang biktima ang suspek nga yara sa impluwensya sang makahulubog nga ilimnon kag possible ini ang rason sang iya pagpangbuno.
Dugang pa sang natungdan, yara na sa paghinakop sang Roxas Component City Police Station ang suspek.
