Nagpromisa si Iran President Masoud Pezeshkian nga untaton na ang pag-atake sang missile sa mga kaiping nga pungsod sa Middle East.
Suno kay Bombo Joseph Timothy Rivera, International Correspondent, direkta sa Doha, Qatar, iya ginpahayag nga tumanon sang mga ini ang ila promisa magluwas lang kon maglunsyar sila sang pag-atake halin sa mga Gulf states.
Pahayag pa niya, wala pa sang kasiguraduhan kon tumanon nila ang ila promisa bangud ang Presidente sang Iran ang yara sa idalum sang control sang supreme leader.
Dugang pa niya nga sang nagligad nga adlaw gin-atake sang Iran ang pila ka mga power facilities, Industrial area, kag airports, apang ginapanginwala sa gihapon sang Iran ang nasambit nga pag-atake.
Samtang may yara na sang isa ka kumpirmado nga Pinoy ang napilasan matapos naigo sang debris sang na-intercept nga missile.
May pila naman ka mga repartriation flights sa hamad international airport ang nagbalik agud man nga makabyahe ang mga na-stranded.
Nagpasalig man ang natungdan nga wala pa sang casualty ang nabalhag kag padayon ang pagmonitor sang embahada sang Pilipinas sa mga Pilipino nga nagatinir sa Middle East.
