Personal nga nagpadulong sa talatapan sang Bombo Radyo ang isa ka lalaki nga kun sa diin ginareklamo sini ang isa ka babayi nga nagrenta sang ginaparentahan sini nga salakyan.
Ginkilala ang nagreklamo kay alyas “Kenneth”, residente sang Barangay Tanque sa sini nga syudad samtang ginkilala naman kay Gladys Parungao Decembre ang babayi nga ginareklamo sini.
Sa interview sang Bombo Radyo kay Kenneth, ginapanawagan sini si Gladys Parungao Decembre kag kun sa diin man ini sya naga-istar sa karon diri sa Capiz nga kun tani ulikdon man sini ang obligasyon sini sa ginrentahan nga salakyan sang Agosto 18.
Dugang pa ni Kenneth, nagpromisa nga bayaran ni Gladys ang iya sini nga utang sa nakasugtanan nga adlaw sang tinalikdan nga Agosto 23 apang tubtob sa karon, wala gihapon sini ginaulikid ukon ginadumdum ang iya sini nga obligasyon nga bayaran ang iya ginrentahan.
Mahibaluan nga yara sa kapin P33,500 ang kabug-usan nga pagabayran ni Gladys kay Kenneth.
Panawagan ni Kenneth kag Gladys Parungao Decembre nga kun tani balikdon man sini ang iya obligasyon bangud may balayran man suno diri ini sila sa amo nga salakyan nga ginabayran man bulanan.
