ROXAS CITY – Ginpakigbahin sang isa ka iloy ang mga naagyan nga pagtilaw sa pagpadako sang iya 4 ka mga kabataan subong nga espesyal nga adlaw sang mga Nanay.
Sa interview sang Bombo Radyo kay Mrs. Catherine Ponce, isa ka manunudlo, suno diri nangin masakit sa iya nga bahin bilang iloy bangud may ti-on ini magtatap sa iban nga mga kabataan apang sa iya kaugalingon nga mga anak indi sini maatipan ilabi na kun gamasakit.
Suno diri, ang kasakit nga nabatyagan sang iloy ang wala sang katupong ilabi na kun makit-an sini ang iya mga kabataan nga nasakitan.
Dako nga pagtilaw ang na-agyan ni Ponce sang napaslawan ang iya nga bata sa una nga kahigugma, kun sa din saksi sya sa kun pano nadulaan sang gana nga mabuhi ang iya bata kag wala siya sang mahimo agud maibanan ang kasakit nga nabatyagan sini.
Apang, sa pihak sang mga pagtilaw nga naagyan, dako sa gihapon ang pagtuo kag pagsalig ni Ponce sa Makaako nga ubayan ini sa tanan nga oras.
Dako man ang pasalamat ni Ponce sa iya mga kabataan kun sa din makit-an man suno diri ang ila sakripisyo.
Dugang pa sini, nga dako ang nangin parte sang pagka-strikto nila samtang gina-padako ang mga kabataan bangud nagdako ang mga ini nga may yara sang respeto kag kahadlok sa Ginuo.
Mahibaluan nga ang subang nga bata ni Ponce nga si Charles ang isa na ka Licensed Commercial Pilot kag flight instructor sa bahin sang Manila, ang ikaduwa sini nga nagakuha sang Juris Doctor sa Iloilo, samtang ang duha kaiban pa, isa ka college level kag secondary level.
