Patay ang isa ka Indian national kag masobra 60 naman ang pilason matapos nga naigo sang drone strike ang Kuwait International Airport sa tunga sang nagalala nga tensyon sa tunga sang Estados Unidos kag Iran.
Suno sa Islamic Revolutionary Guard Corps (IRGC) sila ang responsibilidad sa operasyon kag ginsiling nga ang ini nga pag-atake ang bilang pagbalos sa bag-o lang nga aksyon sang US batok sa isa ka Iranian oil tanker kag Qeshm Island.
Bilang sabat, ginmanduan sang Kuwait ang duha ka diplomat sang Iran nga maghalin sa pungsod sa sulod sang 24 oras kag ginpatawag ang Iranian chargé d’affaires.
Suno sa U.S. Central Command (CENTCOM), nagpatigayon man sila overnight strikes sa Qeshm Island bilang sabat sa ginapahayag planado nga pag-atake sang Iran sa Middle East.
Ginpanindugan man sang Iran, nga nagbalos lang sila paagi sa mga pag-atake sang missile kag drone batok sa mga base sang U.S. kag helicopter operations sa isa ka wala ginhingadlan nga pungsod sa rehiyon, kag gin-akusahan ang Kuwait kag Bahrain sang direkta nga pagpasilabot.
