Nagpadala sang sulat si Cagayan de Oro City 2nd District Rep. Rufus Rodriguez kanday State Secretary Anthony Blinken, Defense Secretary Lloyd James Austin III kag US Ambassador to Manila MaryKay Carlson.
Ang kaundan sang sulat ni Rodriguez amu ang hinyo sa Amerika nga i-donate sa Pilipinas ang USS Philippine Sea agud i-deploy sa West Philippine Sea.
Nagapati si Rodriguez nga mangin dako nga buling ang nasambit nga US warship para mapaayo pa ang pagpatrolya sang Philippine Navy kag Philippine Coast Guard (PCG) sa kadagatan nga sakop sang pungsod kalakip na ang West Philippine Sea.
Ginpapahanumdom man ni Rodriguez sa iya nga sulat sa tatlo ka US officials nga ang pangalan nga USS Philippine Sea ang para sa “Battle of the Philippine Sea” sadtong panahon sang ikaduha nga pangkalibutanon nga giyera.
Magluwas sini, nagapati si Rodriguez nga mangin big asset ang USS Philippine Sea sa pagdepensa sang kadagatan sang Pilipinas, soberenya, subong man ang pwersa kag mga tinawo, ilabi na ang mga maugpangisda nga Pilipino.
Ginhatagan pagtamod ni Rodriguez nga kun tugutan ang iya nga hinyo, ilabi nga magabakod ang pag-abyanay kag kaangtanan sang Estados Unidos kag Pilipinas.
