TAPAZ, CAPIZ – Totally burned ang isa ka puluy-an sa nagluntad nga sunog sa Barangay Poblacion, Tapaz, Capiz.
Ginapanagyahan ang amo nga establisyemento ni Sheila Gabucay, 47-anyos nga residente man sang nasambit nga lugar.
Sandig sa pahayag nagikan kay FO1 Jan Rick Franco, Fire Investigator sang Tapaz Fire Station, ginpahayag sini nga may nabaton sila nga report takna alas 8:15 sang gab-I may nagluntad nga sunog sa nasambit nga lugar.
Gilayon naman ini nga ginrespondehan sang katapo sang bombero kag gindeklarar nga fire out alas 10:50 na sang gab-i.
Wala naman sang kaswalidad sa amo nga insidente.
Samtang, temporaryo nga nag-tinir ang pamilya sang biktima sa ila nga tindahan.
Sa karon padayon pa ang imbestigasyon sang Tapaz Fire Station kun ano ang gintunaan sang nasambit nga sunog.
