Isa mga suspek sa pagbuno patay sa kay Punong Barangay Ruben “Godo” Fuentes, ginhilway na sa karsel

ROXAS CITY-Ginhilway na sa Lock-up-cell sang Roxas City Police Station ang isa sa ginaalegar suspek sa pagpangbuno-patay kay Punong Brgy. Ruben “Godo” Fuentes sang Barangay. III, Roxas City.

Ginkilala ang amo nga suspek nga si Joseph Jamora nga tumandok sang probinsiya sang Iloilo.

Pinaagi sa gin-isyu nga resolusyon ni Hon. Babette B. Bolido, Assistant Prosecutor sang City Prosecutor’s Office, natigayon nga ma release ang nasambit nga persona matapos nga wala ini makita-an sang probable cause.

Nagapabilin naman ang isa ka suspek nga si Virgilio Vigor sa karsel sang Roxas City Police Station para sa nagakaigo nga disposisyon.