Nakuha sang banwa sang Ivisan sa probinsya sang Capiz ang grand winner sa Paskwa ni JuONE: Maragtas Christmas Village Competition, isa ka highlight sa Paskwa sang Maragtas: Capiz Christmas Festival.
Sa interview sang Bombo Radyo kay Mr. Alfonsus Tesoro, Head sang Provincial Tourism and Cultural Affairs Office, iya ginpahayag nga ang kadalag-an sang Ivisan ang may yara sang P250,000 nga premyo bangud sa exceptional nga creativity sang banwa nga nagapakita sang cultural pride kag community spirit.
Suno kay Tesoro, ang Christmas Village nga may tema Buyloganay sa Paskwa sang Maragtas, ang nagpakita sang cultural identity, coastal heritage kag mabakod nga community unity sang Ivisan.
Makit-an man sa Christmas Village sang banwa ang bahay kubo, mga indigenous decorations, bamboo Christmas tree kag sa baylo nga reindeer, carabao naman ang upod ni Santa Claus kag indi man madula ang tradisyonal nga display sang Belen.
Ginbida man sang Ivisan ang coastal elements sang banwa sa diin ginapakita ang pagpangisda bilang palangabuhian sang mga tawo kag marine resources.
Ang kompetisyon ang nagkilala sang iban nga banwa bangud sa ila manami nga christmas village;
1st Runner-Up: Dumarao
2nd Runner-Up: Cuartero
3rd Runner-Up: Panay
4th Runner-Up: Dumalag
