Gintay-og sang isa ka mabaskog nga linog nga may kabaskugon nga 8.8 magnitude ang nagtay-og sa baybayon sang Kamchatka Peninsula sa Russia, nga nagresulta sang tsunami warning sa pila ka pungsod sa rehiyon sang Asya, kalakip ang Japan, Indonesia, kag ang Pilipinas.
Suno sa report sang US Geological Survey, ang linog ang may kadalumon nga 19.3 kilometers (12 miles), nga ginakabig manabaw—isa ka factor nga mahimo magpalala sa epekto sang pagtay-og sa kadagatan.
Ang una tsunami wavas, nga may kataason nga 30 sentimetro (isa ka tapak), nabalhag sa Hokkaido, ang nagapanguna nga isla sa naaminhan nga bahin sang Japan. Sa report sang NHK, national media sa Japan, posible pa nga mas dako nga balod ang mag-abot kasubnod sini.
Nagpaguwa ang Japan Meteorological Agency sang tsunami warning alas-9:40 sang aga para sa mga coastal areas sang pungsod halin Hokkaido tubtob Wakayama Prefecture. Ginalauman ang mga balod nga mahimo maglab-ot sang tubtob tatlo ka metro (9.8 ka tapak).
Nagpaguwa man ng tsunami warning ang Indonesia kag Pilipinas bilang kabahin sang paghalong.
Samtang, pila ka indibidwal ang na-report nga napilasan matapos ang linog nga ginapahayag pinakamabaskog sa sulod sang mga nagligad nga dekada sa rehiyon. Isa man ka banwa sa rehiyon sang Sakhalin sa Russia ang gin-evacuate matapos magpaguwa sang tsunami warning, suno sa mga lokal nga gobyerno sa nasambit nga pungsod.
Padayon ang pagbantay sang mga otoridad kag disaster response teams sa mga apektado nga lugar agud masiguro ang kaluwasan sang publiko.
