Isa ka bulan na nga nagapanglakaton ang Japanese nga kilala bilang si Tappei Noguchi, performance artist nga nagikan sa Tokyo, Japan.
Nagviral siya sa social media bangud sa iya pinasahi nga journey kun sa diin nagapanglakayon ini samtang may guyod-guyod nga kariton.
Una niya nga ginsugdan ang iya pinasahi nga journey sa Panay Island sadtong May 29, 2024 sa Roxas City, Capiz padulong sa Iloilo, Antique kag Aklan kag subong nagbalik diri sa siyudad sang Roxas agud makompleto ang iya Panay Island Loop.
Magluwas sini nagapanghatag man si Tappei Noguchi sang iya mga artworks nga himo sa Woodblock Print para sa mga tawo nga nagbulig, nakasalamuha kag suporta sa iya samtang yara sa dalan.
Siya ang inspirasyon sang pagsakripisyo kag pagpakita sang koneksiyon sa mga lokal pamaagi sang iya mga art work.
Rason nga madamu naman sang tawo nga nagabantay sa iya sa lugar nga iya maagyan para makita siya sa personal.
