ROXAS CITY -Nagpasaka sang pletehan ang mga jeep nga nagabiyahe halin Roxas City Integrated Transport Terminal padulong sa banwa sang Sapian.
Ini ang ginkompirmar ni Sergie Amoyan, dispatcher sang mga jeep nga nagabiyahe sa nasambit nga banwa.
Ginpahayag ni Amoyan nga P50 na ang bag-o nga pletehan sang mga pasahero nga nagasakay sa jeep nga nagabiyahe sa Roxas City-Sapian vice versa matapos nga nagdugang sang P15 sa sadto anay P35 nga pagsuluktan.
Apang gin-athag ni Amoyan nga wala man nagapalarehas ang pamasahe bangud may yara man sang iban nga pasahero nga naga-plete sang P40 ilabi na sa wala makaabot sa terminal sang jeep.
Gin-athag man ni Amoyan nga bangud limitado lamang ang pasahero nga ginapasakay rason nga nagpasaka sang pamasahe ang mga nasambit nga jeep.
Samtang aminado si Amoyan nga pigado sa gihapon ang biyahe sa pihak nga gamay lamang ang mga nagabiyahe nga pampubliko nga salakyan sa probinsiya.
