ROXAS CITY – Padayon ang ginapatigayon nga Joint Focus Legal Action Team ukon JFLAT program sang mga militar sa pila ka mga lugar nga may yara sang presensya sang mga rebelde nga grupo diri sa probinsya sang Capiz.
Ini ang ginpahayag ni Major Cenon Pancito III, tagpamaba sang 3rd Infantry Division sang Philippine Army sang mainterview sang Bombo Radyo.
Suno kay Pancito nga ang JFLAT program amo ang mga militar nga nagabisita ukon nagakadto sa mga munisipyo ukon mga kabarangayan agud nga magpangita sang mga anay miyembro sang New People’s Army ukon NPA.
Sa nasambit nga programa kabahin diri ang mga Lawyers, Investigators, Philippine Army, Armed Forces of the Philippines kag madamo nga iban pa.
Mahibaluan nga sila ang nagakuha sang istorya sang pila ka mga nagsungka nga rebelde sa sabak sang gobyerno kag magabulig sa mga otoridad agud nga mabal-an ang lugar sang mga NPA nga nagapatigayon sang mga engkwentro.
Sa nasambit nga programa pagapasakaan sang mga nagakaigo nga mga panumbungon ang katapo sang mga NPA.
Mahibaluan nga naglab-ot sa 51 tanan ang mga nagsungka nga rebelde kun sa diin ginaistorya nila kag ginabuligan nila agud indi na magbalik sa hanay sang mga rebelde grupo.
