Nagpaandam si Retired Supreme Court Associate Justice Antonio Carpio sa gobyerno nga posible mangin dako nga pagpanghangkat ang liwat nga ginpasanyog nga joint oil and gas explorations sa tunga sang Pilipinas kag China sa West Philippine Sea.
Suno sa anay mahistrado, ang pagsulod sa nasambit nga kasugtanan nagakahulugan sang pagbaton sang kondisyon sang Beijing nga sila ang nagapanag-iya sang dunang manggad sa ginabaisan nga teritoryo.
Ini nga paandam ang kasunod sang pahayag ni President Ferdinand Bongbong Marcos Jr. nga bukas siya sa pagsugod liwat sang negosasyon sa Beijing para sa isa ka joint energy project agud masiguro ang seguridad sa enerhiya sang pungsod sa tunga sang nagapadayon nga tensyon sa Middle East.
Sa pihak nga bahin, gin-anunsyo sang Chinese Embassy nga may yara sang positibo nga pag-uswag kag madalom nga paghinun-anon sa tunga sang duha ka pungsod angot sa sini nga butang.
Nagapabilin nga sensitibo ang isyu sang joint energy exploration bangud sa isyu sang soberanya.
Matandaan nga sang 2016, ginbasura ini sang Permanent Court of Arbitration sa The Hague ang pag-angkon sang Beijing bangud wala ini sang legal nga basehan, isa ka makasaysayan nga desisyon nga wala ginakilala sang China tubtob subong.
