Nagdangat sa kapin P30,000 ang nangin kahalitan sa nagluntad nga sunog sa Barangay Cabug-cabug, President Roxas, Capiz.
Ginapanag-iyahan ang amo nga balay ni ni Mar Gonzalez, kag residente sang amo nga lugar.
Sa interview sang Bombo Radyo kay FO2 Kevin Bueno-Imbestigador sang BFP-President Roxas, ginpahayag sini nga nakabaton sila sang tawag gikan sa President Roxas PNP nga may nagluntad nga sunog sa lugar takna ala-7 kagab-e.
Gilayon man nila ini nga ginrespondihan ang nasambit nga sunog apang sa ila nga pag-abot ginatupok na sang kalayo ang amo nga balay kag gindeklarar nga fire out takna alas-7:20 sang gab-e.
Mahibaluan nga human ini sa light materials ang ginapahayag puluy-an rason ng totally burned ini.
Wala naman sang kaswalidad sa nasambit nga insidente.
Sa karon, nagapadayon ang imbestigasyon sang BFP-President Roxas sa gintunaan sang nasambit nga insidente.
