Ginpataas pa sang Philippine Rice Information System (PRiSM) ang kalaparon sang mga talamnan nga posible maaapektuhan sa mga pag-ulan kag mabaskog nga hangin dala sang Bagyong Querubin.
Sa inisyal nga datos sang satelite-based monitoring system duha ka adlaw na ang nakaligad, naglab-ot sa 2,000 nga ektarya ang posible maapektuhan sang malain nga tyempo kung sa diin 20,307 nga ektarya sang mga humayan ang maaapektuhan sang bagyo, kalakip na ang pag-inulan dala sang Shear Line.
Dako nga porsyento sini ang ginakalakipan sang mga humay nga yara sa reproductive phase nga naglab-ot sa 12,734 ektarya.
Ang nabilin naman nga 925 ektarya nga yara sa vegetative phase kag 6,648 ektarya naman sa ripening phase.
Samtang dako nga bulto sini ang nagikan sa Mindanao kung sa diin ini ang gin-igo sang bagyo kag posible man nga maglab-ot pa sa Visayas kag Bicol Region.
