ROXAS CITY-Wala sang foul play nga nakita ang mga kapulisan natuhoy sa kamatayon sang caretaker nga nasapwan-patay sa Bilbao Street, Barangay 3, Roxas City.
Suno kay Police Lieutenant Colonel Ricardo Jomuad Jr, hepe sang Roxas City Police Station sandig sa imbestigasyon sang mga kapulisan nga wala sang may nakita nga mga pilas sa lawas sang biktima nga si Alex Deita nga nagapatimaan nga may yara sang nagpatay sa iya.
Ginapatihan sang mga kapulisan nga posible gin-atake sa ginasuprer nga balatian si Deita.
Ginapahayag nga may yara sang ginasuprer nga Hypertension kag Arthritis ang biktima.
Suno naman anak sini nga si Sherelyn Deita, nakaistorya pa sini ang iya amay kahapon kag maayo pa ang pamatyag sini.
Suno pa sa iya nga nag-inom pa ang iya nga amay sa balay kun sa diin isahanon lamang ini nga nagatenir.
Ginpahayag sini nga may yara man sila sang balay apang desisyon mismo sang iya nga amay nga sa amo nga lugar ini magtenir.
Nagapati si Sherelyn nga posible gin-atake sang balatian ang iya amay nga gintunaan sang iya nga kamatayon.
