Liwat nga naghingyo ang abogado ni anay Presidente Rodrigo Duterte sa Pre-Trial Chamber sang International Criminal Court (ICC) para sa temporaryo nga kahilwayan sang anay Presidente sa wala ginhingadlan nga pungsod.
Ini na ang ikaduha nga kahigayunan nga naghingyo sang temporaryo nga kahilwayan sa detention facility sang ICC ang kampo ni Duterte.
Ginpasalig sang abogado ni Duterte nga tumanon niya ang mga kondisyon kag magakooperar sa korte kun mahatagan ang request.
Ang dokumento napetsahan Agosto 19, 2025.
Sang Hunyo, una nga ginhingyo sang abogado ni Duterte sa ICC nga buy-an siya sa wala ginbuyagyag nga pungsod.
Ginpahayag man nga nagpasugot ang wala ginhingadlan nga pungsod nga kustodiyahon ang anay lider.
Suno kay Kaufman sa isa ka ginpirmahan nga dokumento nga ginkumpirma sang prosekusyon nga indi magkontra sa temporaryo nga kahilwayan ni Duterte.
Sa karun napreso si Duterte sa nga nagahulat sang pagbista sa kaso nga krimen batok sa katawhan nga may kaangtanan sa iya war on drugs samtang alkalde pa siya sang Davao City kag sang nangin Presidente sang Pilipinas.
