Kapin P1-M nga balor sang droga narekober sang mga otoridad sa 1 lamang ka adlaw nga operasyon; 9 ka indibidwal arestado

Naglab-ot sa kapin P1. 5-M nga balor sang illegal nga droga ang narekober sang katapo sang Police Regional Office 6 (PRO-6), sa 9 ka mga indibidwal matapos ang ila ginpatigayon nga isa ka adlaw nga operasyon.

Sandig sa impormasyon nga nagikan sa PRO-6, ang amu nga droga ang may kabug-aton nga 229 gramos.

Ini ang kadungan sa ila mas ginpasangkad nga operasyon sadtong Disyembre 27 subong nga tuig.

Sa 9 ka mga indibidwal, 3 diri ang ginakabig nga mga High Value Individual HVI kag 6 naman ang mga Street Level Individuals.

Kaso nga paglapas sa Republic Act 9165 ukon ang Comprehensive Dangerous Drugs Act of 2002 ang paga-atubangon sang mga nagkaladakpan.