Nakadeploy na ang halos 5,308 ka frontline personnel gikan sa 16 ka distrito sang Philippine Coast Guard (PCG) bilang kabahin sang ila Oplan Biyaheng Ayos: Undas 2025.
Suno sa PCG, may yara sang 23,320 ka outbound passengers kag 17,388 ka inbound passengers sa tanan nga pantalan sa pungsod.
Agud masiguro nga luwas kag matalunsay ang byahe, nagpatigayon man sila sang inspeksyon sa 353 ka mga barko kag 34 ka mga motorboats.
Magluwas diri, yara sa heightened alert ang tanan nga PCG stations kag sub-stations humalin Oktubre 30 tubtub Nobyembre 4, kadungan sang ginalauman nga pagsaka sang mga pasahero para sa All Saints’ Day (Nobyembre 1) kag All Souls’ Day (Nobyembre 2).
Sa mga may palamangkutanon ukon paathag angut sa sea travel protocols, mahimo nga makig-angot sa PCG pinaagi sa ila official social media accounts ukon sa Coast Guard Public Affairs Services.
