ROXAS CITY – Nagpanindugan si Barangay Kapitan Eduardo Dalisay sang Barangay Takas Pontevedra nga wala siya kahilabtanan angut sa reklamo sang mga benepesiaryo sang DOLE Tupad program.
Sa pagpakig-angut sang Bombo Radyo kay kapitan, wala siya nakahibalo nga may yara sang benepisiaryo sa iya barangay bangud wala ini nag-agi sa iya.
Apang ginpaathag naman sang representante sang DOLE Capiz nga may yara sang coordinator nga gindesignar ang nakaligad nga administrasyon sang probinsya nga amu ang dapat makig-angut sa ila barangay.
Suno sa punong barangay, nahibaluan sang iya mga opisyales kag mga benepisiaryo nga wala siya sang sala kag luyag niya limpyuhon ang iya pangalan bangud nagakaulamid na ang iya pamilya.
Matandaan nga nagreklamo ang mga benepisiaryo sang programa matapos ginsukot sila sang tig P1,500 sa baylo sang alahas ni Annabelle Villagracia nga amu ang nagpangayo sang ila ID kag ginpahayag para sa ayuda nga gikan sa isa ka napiyerde nga SB member sang nasambit nga banwa.
Mahibaluan nga wala sang nabaton nga alahas ang mga benepsiaryo rason sang ila pagreklamo kag didto nahibaluan nga gikan sa DOLE ang benepisyo nga nakuha.
