ROXAS CITY – Nagsugod na sa pagbantay kag pagpangdakop ang katapo sang kapulisan sa mga wala nagasuksok sang face mask sa probinsya sang Capiz.
Sa interview sang Bombo Radyo kay PMaj. Ruby Magallanes, CPPO-PIO, ginsiling sini nga ang nasambit nga aktibidades sa kapulisan ang hugot nga igapatuman sa syudad amu man sa tagsa ka kabanwahanan sa syudad.
Matandaan nga ang Ordinance No. 082 ukon ang pag-obserbar sang Minimum Public Health Standard ang sandig sa ginpaguwa nga abiso sang Capiz Police Provincial Office sa idalom sang pagpamuno ni Pol. Col. Winston De Belen.
Luyag liwat ini ipatuman ni Governor Fredinil Castro bangud naobserbahan sini nga kasubong nga wala na nagasuksok ang mga tawo sang facemask sa pampubliko nga lugar.
Dugang pa ni Magallanes, may yara sang nagakaigo nga opensa ang sin-o man nga madakpan nga magalapas sa indi pagsuksok sang face mask, social distancing kag iban pa nga pagsulondan sa protocol, yari ang mangin penalidad:
1st offense – Reprimand, 2nd offense – Pagbayad sang P1,000 nga penalidad ukon pagka-preso sang tatlo (3) ka adlaw, ukon duha sa mga ini, depende sa korte, 3rd offense – P2,000 sa kada bayulasyon, ukon pagka-preso sang napulo (10) ka adlaw, ukon duha sa mga ini, depende sa korte.
Ginahinyu ni Magallanes sa pumuluyo nga magsunod na lamang sa ordinansa bangud para man in isa ikaayong lawas sang tanan.
