ROXAS CITY – Ginkumpirmar sang tagpamaba sang Capiz Police Provincial Office nga may direktiba nga ginpapanog ang acting provincial director sa tanan nga unit commander, nga magpatigayon sang threat assessment sa mga elected officials, kalakip na ang Barangay kag Sangguniang Kabataan officials, ilabi na sa nagahiapit nga eleksyon sa bulan sang Oktubre, sini nga tuig.
Ini ang ginpahayag ni Police Major Ruby Magallanes, sang mainterview sang Bombo Radyo.
Apang, diri sa Capiz, wala pa sang elected officials nga nagsumiter nga may pagpamahog sa ila kabuhi.
Sa pihak nga bahin, ginpahayag ni Magallanes nga wala pa sang direktiba nagikan sa ila higher office natuhoy sa suhestyon ni senator Grace Poe, nga ipahamtang ang mga babayi nga police bilang desk officers, apang para sa ila nga organisasyon, wala sang diskriminasyon sa posisyon sa trabaho, mapa babayi man ukon lalaki ang isa ka police.
