Ginbasura sang Korte sa Argentina ang mga kaso nga involuntary homicide sa tatlo ka tawo nga ginatudlo suspetsado sa pagkapatay sang ex-boyband member nga si Liam Payne nga matandaan nga nahulog halin sa tatlo ka panalgan sang isa ka hotel room sa Buenos Aires sadtong nakaligad nga tuig.
Ang abyan ni Liam Payne nga si Roger Nores, kag duha ka trabahador sa nasambit nga hotel nga nanday Esteban Grassi, isa ka receptionist, kag Gilda Martin, manager sang hotel ang abswelto man sa nangin kaso.
Pag-eksplekar sang korte ‘wala bastante nga ebidensya agud manabat ang mga akusado.
Ginpahayag naman ni Nores ang iya nga pagpasalamat, kag ginsiling sini nga ‘Glad this is finally over. I’m happy I’m now going to be able to travel to the U.K. and say goodbye to my friend.
Suno sa nangin silot sang prosecutor kay Nores wala suno sini ginbuligan si Payne sa pagkuha ukon pag-inom sang makahulubog nga ilimnon nga suno sa Korte ‘wala sang ikasarang si Nores agud punggan ang trahedya.
Ginlaragway naman ni Nores sadtong Nobyembre 2024 nga nagbisita siya sa hotel sang pila ka beses sa adlaw sang insidente apang naglakat siya, 40 minuto bag-o matabo ang pagkapatay ni Payne.
Samtang gin-abswelto man ang empleyado sang hotel nga sanday Grassi kag Martin, suno sa korte nga ‘wala suno sang bastante nga ebidensya sang kapabayaan sa ila ginhimo bag-o ang insidente.
