PILAR CAPIZ – May yara na sang ginalantaw nga person of interest ang katapo sang Pilar Municipal Police Station, matapos ang nagluntad nga pagkinawatay sa tatlo ka mga tindahan sa Barangay San Nicolas, (Purok 3), Pilar Capiz.
Matandaan nga natigayon nga mataban sang mga kawatan ang benta sang mga tindahan, mga kagamitan kag pila ka mga grocery items.
Sa interview sang Bombo Radyo sa imbestigador sang Pilar MPS nga si PSSg. Jaypee Tomogda, ginpahayag sini nga padayon ang ila pagpatigayon sang imbestigasyon agud matul-id ang pagkakilanlan sang duha ka mga suspek sa pagpangawat.
Suno kay Tomogda base sa ila pagpangusisa, ang amu nga mga suspek ang nagalibot sa iban nga mga banwa agud makapangbiktima.
Panugyan sini sa may mga tindahan nga kung mahimo, indi magbilin sang kwarta sa kaha agud malikawan ang kasubong sini nga hitabo kag mas maayo suno diri nga dal-on na lamang ini sa balay.
