Katapo sang Pnp, yara na sa maayo nga kahimtangan matapos ma-aksidente sa ginasakyan nga motorsiklo sa Banwa sang Panay, Capiz

Yara na sa maayo nga kahimtangan ang katapo sang Philippine National Police (PNP) matapos ma-aksidente sa dalan sang  Brgy. Tico, Panay, Capiz.

Ang katapo sang Pnp amo si alyas “Jesmar”, 39-anyos, kag residente sang Brgy. Linateran, Panay, Capiz.

Sa interview sang Bombo Radyo Police Captain Eric Deocampo, hepe sang Panay Municipal Police Station, iya ginpahayag nga naghalin ini sa Banwa sang Pontavedra kag padulong kuntani sa Banwa sang nasambit nga lugar sang natabo ang aksidente.

Suno kay Deocampo, may yara porsyon sang dalan nga malubak rason nga nadulaan ini sang kontrol sa manebala.

Dugang pa sang natungdan sa naka-agum ini sang gasgas  sa nagkalain-lain nga parte sang iya lawas.