-- ADVERTISEMENT --
PONTEVEDRA, CAPIZ – Nagdangat sa 25% ang nangin kahalitan sang nagluntad nga sunog sa katubuhan nga ginapanag-iyahan ni anay alkalde sang Pilar nga si Ike Patricio sa Barangay Jolongajog, Pontevedra, Capiz.
Suno kay SFO1 Raymond Barroa, Arson Investigator sang Pontevedra Fire Station nga wala pa sa karon nahibaluan kun paano nagluntad ang nasambit nga sunog bangud tuman na ini ka lapad sang nagresponde ang mga bumbero.
Ginpahayag pa ni Barroa nga yara sa lima ka ektarya ang sakop sang katubuhan kag 25% diri ang nahalitan sang amo nga sunog.
Nahibaluan nga nag-umpisa ang sunog alas 4:30 sang hapon kag gindeklarar nga fire out mga alas 7:00 sang gab-i.
