Pormal nga nag-file sang Certificate of Candidacy (COC), ang isa ka mangunguma para sa iya pagpapili bilang gobernador sang Capiz sa palaabuton nga 2025 Elections.
Ginkilala ang magapapili kay Christopher Degala Barrio, 36-anyos kag residente sang Sitio Nasagud, Brgy. Lanot, Roxas City.
Sun okay Barrio, desidido ini nga magpadalagan agud matapna ang mga iligal nga sugal, kinawatay kag mga gamu nga nagaluntad sa masig-barangay tuga sang mga pumuluyo.
Dugang pa sini, gobernor ang iya ginpili bangud nagapati ini nga pamaagi sa amo nga posisyon sarang sini nga madumalahan kag mapatuman ang primyero kag segundo distrito sang probinsya.
Mahibaluan nga nagapati si Barrio nga indi kinahanglan sang kwarta para magdaug bangud pumuluyo na ang magahusga.
Magapapili ini bilang independent candidate apang suno sa iya, welcome man ang iban nga mag-upod sa iya partido.
