Nagdangat sa kinagamo ang pagselebrar sang paskwa sang isa ka pamilya nga ginapahayag nakiselebrar sa balay sang ila himata sa Barangay Bato, Roxas City.
Ginkilala ang mga biktima nga sanday alyas ‘Rafael’, 25-anyos, ‘Crisanto, 63-anyos, ‘Crisme’, 34-anyos, kag ‘Rosemae’, yara sa legal nga pang-edaron, samtang ang mga suspek ang ginkilala nanday ‘Milke’, 30-anyos, Chrislie, 26-anyos, kag ‘Jocel’, 45-anyos, lunsay mga residente sang nasambit nga lugar.
Sa impormasyon nga nakuha sang Bombo Radyo, ginpahayag nga papauli na kun tani ang pamilya Romos sa ila panimalay sang ginaalegar nauna si Rafael sakay sang iya motorsiklo sang hinali ini nga gintambangan sang 3 ka mga lalaki kag ginsumbag.
Apang nagasunod ang pamilya ni Rafael sa iya sakay ang e-bike nakita sini nga ginsumbag sang nasambit nga mga lalaki kag gilayon naman ini nga nagpatunga apang gin-alegar ginpangsumbag man ini sang mga suspek.
Gilayon naman ini nagpadulong sa talatapan sang Roxas Component City Police Station agud magreport sa natabo.
