Kongresista sa Capiz, nagpanindugan batuk sa kampanya sa iligal nga sugal

ROXAS CITY –Gindepensahan ni Capiz 1st District Congressman Emmanuel Tawi Billones Sr., ang kaugalingon angut sa report nga siya ang nangin alagyan para indi mapreso ang barangay treasurer sang Barangay 3, Roxas City nga si Ramon Abella nga nadalahig sa iligal nga sugal sang magpatigayon sang operasyon ang mga pulis.
Suno kay Congressman Billones nga wala sang kamatuoran nga nagtawag ini kay Superintendent Luther Lugo III, ang hepe sang Roxas City PNP para hinyuon nga indi pag-ilakip si Abella sa mga isulod sa karsel.
Aminado ang kongresista nga nagtawag kag nagpangayo sang bulig sa iya si Abella nga madugay na sini nga kilala kag abyan nga tawagan si Superintendent Lugo bangud wala ini nagasugal sang magpatigayon sang operasyon ang mga pulis
Apang suno sa opisyal nga magaguwa ini kun matood nga wala sang kahilabtanan sa iligal nga sugal.
Nagapanindugan ang kongresista nga bisan san-o indi sini pagkunsintihon ang sin-o man sa iya pamilya ukon abyan nga madalahig sa iligal nga buluhaton.