Pormal na nga ginmanduan sang Kamara si Ombudsman Jesus Crispin Remulla nga mag-atubang sa masunod nga impeachment hearing agud isumite ang Statement of Assets, Liabilities, and Net Worth ukon SALN ni Vice President Sara Duterte.
Ini bilang pagtuman sa request sang House Justice Committee nga nagahingyo sang kopya sang SALN ni Duterte sa tuig 2022 tubtub 2025, 2007 tubtub 2013, kag 2016 tubtub 2022.
Ini nga request ang gin-isyu sang panel kaangot sa beripikado na nga impeachment complaints batok sa vice president.
Suno kay Remulla, ipasa sini ang SALN, apang apisar nga gin-subpoena siya, indi siya personal nga makatambong sa hearing sa Abril 14.
Pahayag ni Remulla, ipadala sini ang SALN custodian sang Office of the Ombudsman para sa amo nga hearing sa masunod nga semana. Ini nga officer suno kay Remulla ang may yara sang personal nga ihibalo sa mga request sang mga kongresista.
Matandaan nga ang nagpaguwa sang subpoena amo sanday House Speaker Faustino Dy III, Justice Committee chairperson Rep. Gerville Luistro, kag Secretary General Cheloy Garafil.
Magluwas sa document request, ginmandu man sang panel nga dapat magtambong sa hearing si Ramil Madriaga nga amo ang nag-alegar nga nag-akto bilang “bagman” sadto ni Duterte.
