ROXAS CITY – Nadayon ang labing una nga orientation nga ginpatigayon sang kontrobersiyal nga KAPA Community Ministry International Inc. ukon Kabus Padatoon sa probinsiya sang Capiz.
Ini ang sa pihak sang nangin mandatu na ni Presidente Rodrigo Duterte sa National Bureau of Investigation (NBI) kag mangin sa Philippine National Police – Criminal Investigation and Detections Group (PNP-CIDG) nga pagpasarado sa nasambit nga grupo nga ginapamunuan ni Pastor Joel Apolinario.
Ginpatigayon ang nasambit nga orientation sa AVR Home Depot sa Barangay Punta Tabuc, Roxas City nga nagdugay sang halos tatlo ka oras kun sa diin nangin speaker ang officer-in-charge (OIC) sang KAPA Iloilo-Pavia Branch nga si Isagani Capitle.
Katuyuan sang nasambit nga orientation nga mapalapnag ang maayo nga tinutuyo sang grupo nga makabulig ilabi na sa pagpasanyog sang finances sang tawo.
Magluwas diri nahibaluan man nga nagpatigayon sang prayer meeting ang mga miyembro sang KAPA sa isla sang Panay nga ginpatigayon sa KAPA Iloilo-Pavia Branch.
