Indi makapati ang mga awtoridad sa Indore, Madhya Pradesh sang nahibaluan nila nga ang isa ka 50-anyos nga manugpakilimos nga ila gindakop may mas madamo nga propiedad sangsa ila!
Bilang kabahin sang kampanya sang lokal nga gobyerno sang Indore nga himuon ang ila syudad nga “beggar-free”, isa-isa nila nga nadakpan ang mga makililimos sa dalan apang nakibot sila sang nakilala nila ang isa ka makililimos nga si Mangilal.
May ara siya sang sakit kag indi makalakat. Masami ini makita sa Sarafa Bazaar nga nagapungko lang sa gamay nga tabla nga may kariton.
Apang sang gin-usisa sang mga civil servants ang iya ginhalinan, natukiban nila nga isa gali ka milyonaryo si Mangilal.
May yara siya sang Tatlo ka balay nga iya ginapanag-iyahan: isa three-storey house, isa ka bungalow, kag isa ka studio apartment halin sa gobyerno. Dugang pa, may yara man siya sang duha ka autorickshaw ukon tuktuk nga ginapaarkilahan, kag isa ka salakyan nga may kaugalingon nga drayber.
Nahibaluan man nga nagapautang ini sang kwarta nga may interes sa mga negosyante sa merkado. Sang ginpamangkot, ginpanindugan ni Mangilal nga wala siya nagapakilimos kundi “boluntaryo” lang ang mga tawo nga nagabutang sang kwarta sa iya bulsa samtang siya ang nagatambay.
Suno sa mga otoridad, ginhimo ini nga balibad ni Mangilal bangud illegal ang pagpakilimos sa ila lugar.
