Lalaki arestado matapos ginserbihan sang WOA sa kaso nga Reckless Imprudence resulting in Physical Injury

ROXAS CITY-Arestado ang 36-anyos nga lalaki matapos nga ginserbihan sang Warrant of Arrest sang mga katapo sang Dumarao Municipal Police Station sa Barangay Tinaytayan, Dumarao Capiz.

Ginkilala ang akusado nga si Leonard Molon sang nasambit nga lugar.

Kaso nga Reckless Imprudence resulting in Physical Injury ang ginapangatubang ni Molon kun sa diin ang warrant of arrest gin-issue kag ginpirmahan ni Hon. Presiding Judge Jerson F. Almalbis, Presiding Judge sang 4^th Municipal Circuit Trial Court (MCTC) Dumarao sadtong Hulyo 7, 2020.

Ginrekomendar naman sang korte ang P5,000 nga piyansa para sa temporaryo nga kahilwayan ni Molon.