Lalaki, dakop matapos ginserbihan sang warrant of arrest sa banwa sang Mambusao

Dakop ang isa ka lalaki matapos ginserbihan sang warrant of arrest sang mga kapulisan sa Barangay Atiplo, Mambusao, Capiz.

Ang wala na ginhingadlan nga lalaki nga nagapang edaron sang 40-anyos kag residente sa nasambit nga lugar.

Nahibaluan nga nagapangatubang sa kaso nga paglapas sa Republic Act 9165 ukon Comprehensive Dangerous Drugs Act of 2002 ang akusado kun sa diin ang warrant of arrest ang ginpapanaog kag ginpirmahan ni Hon. Rommel Lacson Leonor, Presiding Judge sang Regional Trial Court Branch 21, Mambusao, Capiz nga napetsahan sadtong Nobyembre 28, 2024.

Sa karon, yara na sa kustodiya sang Mambusao MPS ang akusado para sa nagakaigo nga disposisyon.