Dakop ang ia ka lalaki matpos mangawat sang cellphone sa bahin sang Teodoro Arcenas Trade Center.
Ang suspek amo si alyas Jerry, 40-anyos kag residente sang Barangay Barrio Obrero, Lapuz, Iloilo.
Samtang ang biktima naman amo si alyas John, 23-anyos kag residente sang Brgy. Agustin Navarra, Ivisan, Capiz.
Sandig sa impormasyon nga nakuha sang Bombo Radyo sa Roxas Component City Police Station, nahibaluan nga nagakatulog ang biktima nga isa ka helper sang isa ka balaligyaan sang hinali lang nga nagsulod sang suspek kag ginkuha ang cellphone nga nagabalor sang P12,000.
Gilayon man nga nabawi ang amo nga cellphone sa bulig sang Closed Circuit Television (CCTV) camera sa lugar.
Sa subong, yara na sa paghinakop sang Roxas Component City Police Station para sa nagakaigo nga disposisyon.
